Авіякампаніі заяўляюць аб прыпыненні палётаў над Беларуссю

Французская авіякампанія Air France, польская LOT, аўстрыйская Austrian Airlines і фінская Finnair абвясцілі аб рашэнні прыпыніць палёты сваіх судоў у паветранай прасторы Беларусі.

"Мы прыпынім выкарыстанне паветранай прасторы Беларусі да асобага распараджэння", — гаворыцца, у прыватнасці, у паведамленні Finnair у Twitter.

Ва ўсіх выпадках рашэнне прынята з аглядкай на пазіцыю Еўрасаюза. Напярэдадні саміт ЕС рэкамендаваў еўрапейскім перавозчыкам адмовіцца ад палётаў у паветранай прасторы Беларусі, а таксама закрыў для беларускіх авіякампаній неба і аэрапорты ЕС.

Таксама стала вядома, што аблятаць Беларусь пачала і авіякампанія Singapore Airlines. "Бяспека нашых кліентаў і экіпажа з'яўляецца нашым галоўным прыярытэтам", — цытуе прадстаўнікоў кампаніі CNA.

Заклікі перастаць лётаць над Беларуссю і закрыць для "Белавія" еўрапейскія аэрапорты пачалі гучаць адразу ж пасля інцыдэнту з самалётам ірландскай авіякампаніі Ryanair, які ляцеў з Афін у Вільню, і арыштам журналіста Рамана Пратасевіча, які быў на борце. Яшчэ да прыняцця рашэння на саміце ЕС, авіякампаніі шэрагу краін пачалі аблятаць тэрыторыю Беларусі.