Юнака затрымалі за тату з трызубам і словамі пра рускі ваенны карабель

У розных рэгіёнах Беларусі працягваюцца затрыманні. Сілавікі паведамляюць, што схапілі хлопца з "крамольнай" татуіроўкай на руцэ: трызубам і надпісам пра рускі ваенны карабель. Затрыманаму 17 гадоў. У такіх сітуацыях прымушаюць пазбавіцца ад татуіроўкі.

Сілавікі прызнаюць, што, нягледзячы на ўсе намаганні, у рэжыма Аляксандра Лукашэнкі "ёсць рэальная праблема ў працы з моладзю". Відаць, фіксуецца, што моладзь падтрымлівае Украіну.

Затрыманні за татуіроўкі ў Беларусі адбываюцца нярэдка. Летам 2023-га затрымлівалі мінскага шаўрміста за тату з гербам Украіны.