З беларускага ПВТ сёлета выключылі не менш за 40 кампаній
![З беларускага ПВТ сёлета выключылі не менш за 40 кампаній](/sites/default/files/styles/gallery_main/public/2023-08/000021_1616352660_433687_big.jpg.webp?itok=uUrhPLj4)
З беларускага Парка высокіх тэхналогій сёлета выключылі не менш за 40 кампаній, паведамляе @devby. Сярод іх вядомыя стартапы PandaDoc, Fibery, Rocketbody і Deepdee. Сярод кампаній, якія сышлі з ПВТ, ёсць такія, якія ў яго ўступілі толькі летам-восенню мінулага года.
Незалежны аналітык Сяргей Чалы нядаўна выказваўся на конт таго, што ў беларускага ПВТ мала шанцаў застацца на ранейшым узроўні. "Трэба мець на ўвазе, што перспектывы кампаній, нават калі іх надумаюць пакінуць у спакоі, не будуць такімі ж добрымі, як яны былі раней, — казаў ён у эфіры Еўрарадыё. — У сілу макраэканамічных фактараў, праз тое, што інвестыцыйная непрывабнасць і нежаданне мець справу з контрагентамі з Беларусі так ці інакш будзе адбівацца на перспектывах бізнесу, на магчымасці яго пашырэння, на набыцці кліенцкай базы".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.