З пачатку вайны ў Беларусь прыехала больш за 105 тысяч грамадзян Украіны
![Мігранты едуць транзітам праз трэція краіны, рух на беларуска-ўкраінскай мяжы закрыты / @gpkgovby](/sites/default/files/styles/gallery_main/public/2023-08/gr_7_07_0.jpg.webp?itok=loS4sjMU)
Мігранты едуць транзітам праз трэція краіны, рух на беларуска-ўкраінскай мяжы закрыты / @gpkgovby
Сёлета ў Беларусь перабралася больш за 30 тысяч грамадзян Украіны, а ўсяго з пачатку вайны ў нашу краіну прыехала 105 068 украінцаў. Такія лічбы падае Дзяржаўны пагранкамітэт РБ. Часцей за ўсё ўкраінцы дабіраліся ў Беларусь транзітам праз Польшчу. Такі маршрут з пачатку вайны выбралі 68 580 чалавек, праз Літву — 16 671, яшчэ каля 4 тысяч заехалі праз Латвію.
Летась грамадзяне Украіны яшчэ маглі трапіць у Беларусь праз агульную мяжу. Гэтым шляхам паспелі скарыстацца амаль 16 тысяч украінцаў. Адзначым, што ў Беларусі ўкраінцы рызыкуюць патрапіць пад рэпрэсіі — перш за ўсё за асуджэнне расійскай агрэсіі.
З пачатку вайны з Украіны праз украінска-польскую мяжу выехала 9,9 млн чалавек. Большасць — каля 8 млн чалавек — пасля вярнулася дадому, ва Украіну. Частка засталася ў Польшчы, частка перабралася ў іншыя краіны Еўропы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.