Замежны хакейны трэнер атрымаў ад Лукашэнкі незвычайны падарунак
Беларускі хакеіст, гулец маладзёжнай зборнай нашай краіны Аляксей Протас распавёў пра незвычайны падарунак, які атрымаў Марк Хабшайд, галоўны трэнер яго заакіянскай каманды "Прынс-Альберт" (яна выступае ў WHL) ад Аляксандра Лукашэнкі. "Марк Хабшайд расказваў, што Аляксандр Рыгоравіч Лукашэнка падарыў яму нейкую шапку, ён у ёй нават выходзіў на трэніроўку неяк, у мяне ёсць фота, — цытуе словы Протаса hockey.by. — Калі на нашай пляцоўцы быў зліты лёд, мы ездзілі катацца на іншую, там было вельмі холадна, і ён апрануў гэтую шапку".
Хутчэй за ўсё, гэта даўні падарунак Лукашэнкі. Вядома, што ён сустракаўся з трэнерам у 2005 годзе. У той час Хабшайд быў галоўным трэнерам нацыянальнай хакейнай зборнай Канады. Яму спадабаўся той халодны снежаньскі дзень у Мінску. І, як бачым, ён захоўвае шапку Аляксандра Лукашэнкі ўжо другое дзесяцігоддзе (калі гэты падарунак не атрымаў пры нагодзе пазней).
