Хто ачольвае ініцыятыўныя групы кандыдатаў на "выбары-2025" у Беларусі?

Вырас у раёне Мінска Зялёны Луг. Удзельнічае ў мотапрабегах, наведвае прыёмы ў кітайскай амбасадзе.

Характэрна, што першы допіс у яго Instagram прысвечаны майстар-класу па стральбе з паветранай вінтоўкі, які ён правёў для дзяцей у летніку.

Жанна Уладзіміраўна Стаціўка — Хіжняк

Родам з Брэста. У 2012 годзе ўганараваная званнем "Чалавек года" за ўнёсак у развіццё сістэмы сацыяльнай абароны Брэсцкай вобласці. Паводле адукацыі — педагог і кіраўнік.

Працуе ў Брэсцкім аблвыканкаме начальніцай упраўлення занятасці насельніцтва, а таксама з'яўляецца намесніцай старшыні Камітэта па працы, занятасці і сацыяльнай абароне.

Чалец Рэспубліканскай партыі працы і справядлівасці, старшыня Брэсцкай абласной арганізацыі РППС. Дэпутатка Брэсцкага гарадскога Савета дэпутатаў, узначальвае пастаянную камісію па пытаннях сацыяльнага развіцця, справах моладзі і ветэранаў.

Вольга Барысаўна Даргель — Чамаданава 

Таксама вядомая пад прозвішчам Рачко. Кіраўніца ініцыятыўнай групы Вольгі Чамаданавай — прыклад паспяховай бізнесвумен і старшыня "Беларускага саюза жанчын", заснавальніца і дырэктарка кампаніі "Антыкрызіснае кіраванне", аўтарка і вядоўца перадачы "Бізнес-доктар" на АНТ, уладальніца тытула "Лэдзі-бос 2015".