Землятрус у Марока забраў ужо больш за 2400 жыццяў

Землятрус у Марока забраў ужо больш за 2400 жыццяў. З кожнай гадзінай шанцы знайсці тых, хто выжыў, памяншаюцца. За тры дні моцна стомленыя ратавальнікі і ім патрэбная дапамога. Дапамогі патрабуюць і пацярпелыя, паведамляе "Бі-Бі-Сі".

Магутны землятрус (магнітудай 7,2 балы) адбыўся ў ноч на суботу. Яго эпіцэнтр знаходзіўся ў Атласкіх гарах, за 71 км на паўднёвы захад ад Маракеша. Зруйнаваныя сотні будынкаў, у тым ліку тыя, што ўваходзілі ў спіс сусветнай спадчыны UNESCO. Працягваецца разбор завалаў.

Гэта самы моцны землятрус, які адбыўся ў гэтым раёне за апошнія сто гадоў.