Жахлівая аварыя на чыгунцы каля Барысава (фота)
Раніцай 7 ліпеня каля станцыі "Пралетарская перамога" аўтамабіль "Фальксваген-Гольф" праігнараваў забараняльны сігнал святлафора і выехаў на пераезд.
У гэты момант і адбылося сутыкненне з пасажырскім хуткім цягніком "Санкт-Пецярбург — Мінск". Аўтамабіль адкінула ў бок, ён збіў семафорны слуп. Кіроўца легкавіка загінуў на месцы аварыі. У цягніку пацярпелых няма. Прэс-служба МНС адзначае, што затрымкі ў руху цягнікоў не было. Праводзіцца расследаванне.
Фота — МНС
