БПЦ не змагла правесці фестываль духоўнай, народнай і ваенна-патрыятычнай песні
Журы фестывалю "Палескі Вялікдзень" 2023 года / muzcolleg.by
Беларуская праваслаўная царква сёлета адмовілася ад правядзення фестывалю духоўнай, народнай і ваенна-патрыятычнай песні "Палескі Вялікдзень", піша "Хрысціянская візія".
Арганізатарам фэсту з'яўляецца Тураўская епархія. Сёлетні фэст мусіў стаць пятым па ліку. Ён быў прызначаны на 17 траўня ў Жыткавічах.
Аднак 13 траўня арганізатары адмянілі фэст. Прычынай называецца "малалікая колькасць заявак".
Чацвёрты фестываль праходзіў у Лельчыцах, у ім удзельнічалі 16 харавых калектываў з Лельчыц, Мазыра, Петрыкава, Нароўлі і іншых гарадоў.
