Банкі будуць даносіць у падатковую пра рахункі заможных беларусаў
Падаткавікі падрыхтавалі інструкцыю для банкаў (ілюстрацыйнае фота) / pixabay.com
Банкі будуць даносіць у падатковую пра рахункі заможных беларусаў. Іх даныя перададуць на праверку, калі сума прыходу на рахунак перавысіць 150 тысяч рублёў за год. Гэта вынікае з інструкцыі для банкаў, якую падрыхтавала Міністэрства па падатках і зборах. Дакумент ужо апублікаваны на Нацыянальным прававым інтэрнэт-партале і пачне дзейнічаць праз тры месяцы.
Згодна з пастановай, калі рахунак адкрыты ў замежнай валюце, суму пералічуць на беларускія рублі. Рознага кшталту звароты грошай, адсоткі па ўкладах у гэтую суму ўлічваць не будуць.
Даныя за 2023 год падаткавікі чакаюць ад банкаў да 1 верасня 2024-га.
