Зноў затрыманы гомельскі актывіст Ілля Міронаў
Ілля Міронаў / Facebook
Гомельскага актывіста Іллю Міронава зноў затрымалі. Пра гэта ён паведаміў у сацсетках. Што стала прычынай, пакуль невядома.
Нагадаем, Міронаў – валанцёр з Гомеля, вядомы ў горадзе арганізатар рок-канцэртаў, а таксама былы палітвязень. Яго затрымалі ў верасні 2021 года за каментары па справе Андрэя Зэльцэра. Тады супраць яго распачалі крымінальную справу. Спачатку яго абвінавачвалі паводле арт. 130 КК (распальванне варожасці), але ў выніку судзілі за "дыскрэдытацыю Рэспублікі Беларусь" (арт.369-1 КК). Суд прысудзіў Міронава да 1,5 года пазбаўлення волі і штрафу ў 200 базавых велічыняў. Але да таго моманту ён ужо больш за год знаходзіўся за кратамі, таму яго вызвалілі ў зале суда.
Пасля выхаду на волю актывіста ўжо некалькі разоў арыштоўвалі па адміністрацыйных справах. Ён таксама паспеў падаць некалькі скаргаў у Следчы камітэт – на начальніка гомельскага ІЧУ Сяргея Баравых і прапагандыста Рыгора Азаронка.
