Зяленскі: сем краін гатовыя абмяркоўваць гарантыі бяспекі для Украіны

Сем краін гатовыя абмяркоўваць змест міжнароднага пагаднення па гарантыях бяспекі для Украіны. Пра гэта Уладзімір Зяленскі расказаў у інтэрв'ю турэцкаму выданню Habertürk.

"ЗША, Вялікабрытанія, Турцыя, Польшча, Германія, Францыя, Ізраіль — гэта яшчэ не ўсе гаранцёры, але я назваў тыя краіны, якія гатовыя прыязджаць і абмяркоўваць спіс гарантый бяспекі", — цытуе яго словы УНІАН. 

Зяленскі лічыць першым крокам сустрэчу з гарантамі. Потым павінна быць выпрацаванае аб'яднанае разуменне гарантый бяспекі. І толькі пасля гэтага — кантакты з Расіяй.

Ён дадаў, што частка краін гатовыя падтрымліваць Украіну цалкам, а частка — не. Меавіта таму і патрэбная сустрэча на ўзроўні дарадцаў, дзе абмяркуюць пункты патэнцыйнага дакумента.

Зяленскі удакладніў, што такая сустрэча "дакладна будзе".