21 ліпеня па захадзе Беларусі будзе да +30
У чацвер, 21 ліпеня, у Беларусі чакаецца пераменная воблачнасць, паведамляе Белгідрамет.
Будзе пераважна без ападкаў, толькі па ўсходзе краіны зранку і ўдзень пройдуць кароткачасовыя дажджы. Падчас дажджоў удзень месцамі прагрымяць навальніцы. Вецер будзе паўночна-заходні — уначы слабы да ўмеранага, удзень парывісты, па ўсходзе месцамі моцны парывісты — да 15-17 метраў за секунду.
Тэрмометры ўначы пакажуць 11-17 цяпла. Удзень будзе 22-28 вышэй за нуль, па захадзе паветра прагрэецца да +30.
