22 верасня — "аранжавы ўзровень" ў Беларусі: дажджы, навальніцы, моцны вецер
22 верасня ў Беларусі чакаецца воблачнае з праясненнямі надвор'е, паведамляюць супрацоўнікі Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Уначы і зранку на большай частцы тэрыторыі прагназуюцца дажджы і навальніцы. Удзень дажджы пройдуць пераважна па паўднёва-заходняй частцы краіны, месцамі прагрымяць навальніцы. Вецер будзе ўсходні, моцны парывісты.
Уначы слупок тэрмометра пакажа +10...+16, удзень ён падымецца да 20-26 градусаў цяпла. На захадзе Беларусі будзе халадней — 15-19 вышэй за нуль.
Паводле прагнозаў сіноптыкаў, дажджы спыняцца на выходных. Невялікія кароткачасовыя ападкі чакаюцца толькі па поўдні і паўднёвым захадзе краіны. Тэмпература ўдзень будзе 15-20 са знакам "плюс".
