31 кастрычніка ў Наваградку масава затрымлівалі людзей
Замкавая гара ў Наваградку / Еўрарадыё
31 кастрычніка ў Навагрудку прайшлі масавыя затрыманні. Праваабарончы цэнтр "Вясна" паведамляе, што да людзей прыходзілі а 7-й раніцы, праводзілі ператрусы, затрымлівалі цэлыя сем'і.
Праваабаронцы падлічваюць агульную колькасць затрыманых.
На мінулым тыдні стала вядома пра аблавы ў Хойніках і ў пасёлку Ялізава. Праваабаронцы кажуць, што затрыманні адбываюцца па ўсёй краіне і з'яўляюцца актам запалохвання грамадзян перад прэзідэнцкімі выбарамі, якія пройдуць у Беларусі 26 студзеня.
Як правіла, прыходзяць да тых, хто ўжо затрымліваўся паводле пратэстных адміністрацыйных артыкулаў. Вядома і пра брутальныя затрыманні. Часта перад прыходам сілавікоў у дамах знікала мабільная сувязь.
