Абама падпіша закон пра новыя санкцыі супраць Расіі

Белы дом паведаміў, што Барак Абама да канца тыдня падпіша прыняты кангрэсам закон пра новыя санкцыі супраць Расіі і аб прадастаўленні дапамогі Украіне.

Па словах прэс-сакратара Белага дома Джона Эрнэста, якія перадае ВВС, прэзідэнт ЗША па-ранейшаму адчувае пэўны непакой з нагоды закона. Аднак кіраўнік Штатаў лічыць, што той дае яму неабходную свабоду для манеўру.

"Закон аб падтрымцы свабоды Украіны" накладвае санкцыі ў асноўным на абаронную прамысловасць Расіі. Ён быў прыняты ў мінулую суботу абсалютнай большасцю ў кангрэсе. Праз гэты закон ЗША увядуць санкцыі супраць "Расабаронэкспарту" і іншых расійскіх абаронных прадпрыемстваў.

Законапраект таксама дазваляе прэзідэнту Абаме аказваць ваенную дапамогу Украіне, але не абавязвае яго гэтага рабіць.

Акрамя таго, будзе пашыраны індывідуальны санкцыйны спіс.

Фота — White House