Адміністрацыя прэзідэнта: Батарэі ў нас яшчэ халодныя
Ацяпленне ў адміністрацыйных будынках у сталіцы яшчэ не ўключылі.
Холадна і ў Галоўным гаспадарчым упраўленні, і ў Адміністрацыі прэзідэнта на вуліцы Карла Маркса. "Батарэі ў нас яшчэ не уключылі, халодныя", — кажуць там.
Як распавялі Еўрарадыё ў Галоўным гаспадарчым упраўленні, ацяпленне ў адміністрацыйных будынках уключаюць па распараджэнні Мінгарвыканкама, якое яшчэ не прыйшло. Звычайна гэта адбываецца праз 1-2 дні пасля падключэння жылых дамоў. А іх пачынаюць падключаць сёння.
