Сёння пройдзе суд над журналістам Андрэем Пачобутам
23 верасня а 15.30 у Ленінскім судзе Гродна будзе разглядацца яго справа “аб вызваленні ад пакарання”.
20 верасня ў вядомага гродзенскага журналіста і карэспандэнта Gazety Wyborczеj закончылася адтэрміноўка пакарання па крымінальнай справе за “паклёп на прэзідэнта”.
Нагодай сталі артыкулы журналіста на сайце "Беларускі партызан", на старонках "Gazety Wyborczеj", а таксама ў яго блогу. Гаворка ідзе пра рашэнне Ленінскага раённага суда Гродна ад 5 ліпеня 2011 года. Тады Пачобута пакаралі трыма гадамі пазбаўлення волі з адтэрміноўкай на два гады.
Адметна, што да самой даты заканчэння адтэрміноўкі Пачобут нічога не ведаў пра суд і атрымаў позву толькі 21 верасня. “Ну што ж, будзем вызваляцца, хто ж супраць”, — напісаў журналіст у сваім блогу.
