Азаранка выйшла ў трэці круг Уімблдона, а Сасновіч — у другі
![Дождж і Уімблдон / Reuters](/sites/default/files/styles/gallery_main/public/2023-08/Tenis.jpg.webp?itok=lrXuKjxV)
Дождж і Уімблдон / Reuters
Вікторыя Азаранка (20-я ў сусветным рэйтынгу) выйшла ў трэці круг Уімблдона. У чацвер яна абыграла Надзю Падарошку (80) з Аргенціны — 6:3, 6:0. Іх паядынак працягваўся амаль паўтары гадзіны. У 1/16 фіналу беларуская тэнісістка сустрэнецца з расіянкай Дар'яй Касаткінай (10).
Некаторыя паядынкі перарываюцца і пераносяцца з-за ўмоў надвор'я ці надыходу цемры. Так сталася з Аляксандрай Сасновіч (69). У выніку яна ўсё ж абыграла іспанку Нурыю Парызас Дыяс (105) — 6:2, 6:1. Наступная саперніца — Петра Квітава з Чэхіі, 9-я ракетка свету. Іх паядынак прызначаны на пятніцу.
У 1/32 фіналу Уімблдона Арына Сабаленка (2) сустрэнецца з Варварай Грачовай (41) з Францыі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.