БАТЭ правядзе хатні матч адбору Лігі чэмпіёнаў у Венгрыі
Стадыён у Венгрыі / sr.wikipedia.org
БАТЭ правядзе свой хатні матч у першым раўндзе адбору футбольнай Лігі чэмпіёнаў супраць албанскага "Партызані" ў Венгрыі, у горадзе Мезёкёвешд (на аднайменным стадыёне). Ён пройдзе 18 ліпеня без гледачоў, пачатак а 21-й гадзіне паводле беларускага часу.
У Албаніі каманды згуляюць на тыдзень раней — 11 ліпеня на стадыёне "Эйр Албанія" ў Тыране (пачатак у 21:45 паводле беларускага часу), паведамляе прэс-служба БАТЭ.
У 13-м туры чэмпіянату Беларусі БАТЭ прайграў дома "Нафтану" (на відэа). Каманда займае 6-е месца, адстае ад лідара, гродзенскага "Нёмана", на 13 ачкоў.
