Беларусь — у пяцёрцы краінаў свету з самым танным высакахуткасным інтэрнэтам
Першае месца ў гэтым рэйтынгу займае Украіна — там самы танны ў свеце шырокапалосны інтэрнэт / pixabay
Беларусь увайшла ў пяцёрку краінаў з самым танным шырокапалосным доступам у Інтэрнэт у свеце, заўважыла выданне it-online. Журналісты спасылаюцца на дадзеныя аналітыкаў платформы TradingPlatforms.
Першае месца ў рэйтынгу краінаў з самым танным у свеце доступам да высакахуткаснага інтэрнэту займае Украіна. Тут за месяц такога доступу трэба заплаціць у сярэднім крыху больш за 6 даляраў.
"Украінская інфраструктура мабільнай і шырокапалоснай сувязі цудоўная, што дазваляе інтэрнэт-правайдэрам атрымліваць вялікія аб'ёмы дадзеных па больш нізкім сярэднім кошце інтэрнэту", — кажа фінансавы аналітык TradingPlatforms Эдыт Рыдс.
У пяцёрку краінаў з самым танным высакахуткасным інтэрнэтам, паводле звестак Trading Platforms, таксама ўвайшлі Малдова, Расія і Казахстан.
А самы дарагі шырокапалосны доступ у інтэрнэт у Эрытрэі. Параўнайце, там за месяц доступу да шырокапалоснага інтэрнэту трэба заплаціць больш 2,6 тыс. даляраў.
Сярод еўрапейскіх краінаў самы дарагі інтэрнэт — у Вялікабрытаніі, Італіі і Францыі. Яны ўвайшлі ў дзясятку самых дарагіх краінаў па кошце высакахуткаснага інтэрнэту. Жыхары Злучанага Каралеўства плацяць у сярэднім 34,78 даляра за падключэнне, італьянцы — 32,73 даляра, у Францыя — 32,16 даляра ў месяц.
Выбарка TradingPlatforms ахоплівае 211 краінаў.
