Беларуская чыгунка заявіла, што цалкам аднавіла працу сваёй электроннай сістэмы
![Беларуская чыгунка заявіла, што цалкам аднавіла працу сваёй электроннай сістэмы](/sites/default/files/styles/gallery_main/public/2023-08/hacker-5332676_1280.jpg.webp?itok=cInQjtJt)
Беларуская чыгунка заявіла, што цалкам аднавіла працу сваёй электроннай сістэмы. Пра яе збой стала вядома 24 студзеня. Адказнасць за яго ўзялі на сябе хакеры-партызаны.
26 студзеня Беларуская чыгунка здолела часткова ліквідаваць наступствы хакерскай атакі (афіцыйна пра яе не згадваюць). Стала магчымым купіць анлайн квіткі на цягнікі з нумераванымі месцамі. А вось пра аднаўленне магчымасці набыцця квіткоў на цягнікі з ненумераванымі месцамі паведамілі толькі 3 лютага.
Хакеры-партызаны заяўлялі, што спрабавалі стварыць перашкоды ў дастаўцы ў нашу краіну расійскіх войскаў. Яны патрабавалі вызваліць 50 беларускіх палітвязняў ды спыніць фармаванне ў Беларусі групоўкі войск РФ.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.