Брастаўчанка памерла, атруціўшыся серавадародам на тэрыторыі клінікі
![Брастаўчанка памерла, атруціўшыся серавадародам на тэрыторыі клінікі](/sites/default/files/styles/gallery_main/public/2023-08/brest-1407.jpg.webp?itok=CSdXI3Fx)
Трагічнае здарэнне адбылося ўвечары 13 ліпеня на тэрыторыі Брэсцкай абласной клінічнай бальніцы, паведамляе прэс-служба МНС.
Ратавальнікаў выклікалі ў 19:09. Ім сказалі, што неабходная дапамога людзям у непрытомным стане ў будынку каналізацыйна-помпавай станцыі лякарні.
Супрацоўнікі МНС выратавалі дзвюх жанчын (41 і 22 гадоў) і двух мужчын (у тым ліку машыніста помпавых установак ГП "Брэстводаканал"). Іх шпіталізавалі з атручваннем серавадароду.
У 20:03 старэйшая жанчына памерла ў лякарні.
Прычына здарэння высвятляецца.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.