Брэсцкія даішнікі затрымалі п'янага таксоўца

У ноч на 22 лістапада ў адным са спальных раёнаў Брэста інспектары ДАІ затрымалі п'янага кіроўцу таксі, паведамляе gaibrest.by.

23-гадовы мужчына за рулём аўто "Опель Астра" меў такі выгляд, што даішнікі не сумняваліся: кіроўца нецвярозы. Па іх словах, ад мужчыны пахла алкаголем, у яго былі чырвоныя вочы, а гутарка была няўцямнай. Ад медагляду малады чалавек адмовіўся.

Дарэчы, кіроўца адмовіўся даваць тлумачэнні і паказваць пуцявы ліст на таксі. На яго склалі адміністратыўны пратакол.

Цяпер ідзе праверка, ці знаходзіўся брэстаўчанін на маршруце.