Ціханоўская абмеркавала з прэзідэнтам Літвы "шосты пакет" санкцый
![Ціханоўская абмеркавала з прэзідэнтам Літвы "шосты пакет" санкцый](/sites/default/files/styles/gallery_main/public/2023-08/fi5cgs7xoae2cok.jpg.webp?itok=csoGtNQR)
12 студзеня Святлана Ціханоўская абмеркавала ў Вільні з прэзідэнтам Літвы Гітанасам Наўседам "шосты пакет" санкцый ЕС супраць уладаў Беларусі. Першыя пяць пакетаў былі прынятыя ў 2020-2021 гадах. Над чарговымі санкцыямі працуе Еўрасаюз.
Падчас сустрэчы ў прэзідэнцкім палацы Ціханоўская і Наўседа дамовіліся "працягнуць каардынацыю дзеянняў у пытанні ціску на рэжым [Аляксандра Лукашэнкі]". Яны пагадзіліся, што важна "закрыць шчыліны ў санкцыях". Між іншым, гаворка ішла пра пошук спосабу спынення транзіту санкцыйных прадуктаў з Беларусі праз краіны Балтыі.
Лідар беларускіх дэмакратычных сіл падзякавала Літве за падтрымку тых беларусаў, якія былі вымушаны з'ехаць з радзімы з палітычных прычын.
![Ціханоўская абмеркавала з прэзідэнтам Літвы "шосты пакет" санкцый](/sites/default/files/paragraphs/image/fi5cfpewqaa-vl9.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.