"Гэта абсалютна непрымальна" — Ціханоўская падтрымала краму Kropka

Літоўская паліцыя шукае людзей, якія напалі на беларускую краму Kropka ў Вільні. Офіс Ціханоўскай падтрымлвіае кантакты з літоўскімі праваахоўнікамі па гэтай справе. Пра гэта паведамляецца ў тэлеграм-канале лідаркі дэмакратычных сілаў Беларусі.

"Месяц таму я наведвала беларускую прастору Kropka ў Вільні, якую стварыў былы беларускі палітвязень Зміцер Фурманаў. І навіна пра атаку  на краму стала для мяне шокам. Гэта абсалютна непрымальна, абуральна і небяспечна. Гэта чарговая правакацыя рэжыму, каб пасварыць беларусаў і літоўцаў, сфармаваць варожае стаўленне да беларусаў у Літве, а таксама пасеяць пачуццё страху сярод беларускай супольнасці", — кажа Святлана Ціханоўская.

Яна падкрэсліла, што ў беларускім і літоўскім грамадства няма і не павінна быць месца ксенафобіі ў любых яе праявах. Таксама палітык падзякавал Літве за ўвагу пра бяспеку беларусаў, якія пераехалі ў гэтую краіны з палітычных прычынаў.

"Я хачу выказаць словы падтрымкі Змітру Фурманаву і ўсёй камандзе прасторы Kropka", — дадае Ціханоўская.

Пра напад на краму стала вядома 28 ліпеня. На будынку крамы Kropka невядомыя напісалі "Вяртайцеся дадому, беларускія свінні". Надпіс зроблены па-літоўску. Таксама ў краме разбілі шыбы ў дзвярах і ў акне. Гаспадар крамы Зміцер Фурманаў лічыць,  што гэта правакацыя з боку беларускіх уладаў.