Да Уладзіміра Мацкевіча на Акрэсціна не пусцілі адваката
Да філосафа Уладзіміра Мацкевіча ў ІЧУ на Акрэсціна не пусцілі адваката, паведамляе БелаПАН.
Адвакат Дзмітрый Лазавік кажа, што раней у Мацкевіча была дамова з іншым адвакатам, але таго следчыя таксама не запрашалі і не апавясцілі пра затрыманне. Такім чынам, па словах юрыста, было парушанае права Мацкевіча на абарону.
Абаронца не сумняецца, што з затрыманым філосафам праводзіліся следчыя дзеянні — гутарка, допыт або апытанне. І Мацкевіч меў права на дапамогу адваката пры следчых дзеяннх.
5 жніўня Лазавік прыехаў да ізалятара. Дзяжурны ІЧУ пацвердзіў, што Мацкевіч знаходзіцца там. Але абаронцу да яго не пусцілі, заявіўшы, што на наведванне патрэбны дазвол следчага.
6 жніўня адваката плануе ехаць ва ўпраўленне Следчага камітэта па Мінску, каб высветліць прозвішча следчага і атрымаць дазвол на наведванне падабароннага. Ні ён, ні інша адвакат не ведаюць, у чым падазраюць Мацкевіча і ў якім статусе ён знаходзіцца.
Уладзіміра Мацкевіча затрымалі зранку 4 жніўня. У гэты ж дзень затрымалі яго паплечнікаў Таццяну Вадалажскую, Улада Вялічку і Аксану Шэлест. Дваіх апошніх пазней адпусцілі пад падпіску, а Мацкевіча і Вадалажскую адправілі на Акрэсціна.
