Дэпутат расказаў, як каўбаса сапсавала адносіны Лукашэнкі і прэм’ера Украіны
![Дэпутат расказаў, як каўбаса сапсавала адносіны Лукашэнкі і прэм’ера Украіны](/sites/default/files/styles/gallery_main/public/2023-08/1492482211.jpg.webp?itok=DKyZj6C2)
Дэпутат Вярхоўнай Рады Украіны Вадзім Дзенісенка расказаў на сваёй старонцы ў Facebook, як каўбаса сапсавала адносіны Аляксандра Лукашэнкі і Юліі Цімашэнка. Паводле яго слоў, здарылася гэта ў 2007-2008 гадах, калі Цімашэнка была прэм’ер-міністрам Украіны. Паколькі гаворка ідзе пра падзеі Вялікадня, а Юлія Уладзіміраўна стала прэм’ерам у снежні 2007-га, то здарэнне адбылося не раней за 2008 год.
Дзенісенка сцвярджае, што перад Вялікаднем Лукашэнка адправіў украінскаму прэм’еру кошык з каўбасой. Аднак падарунак да яе не дайшоў, яго забралі ахоўнікі, якія Цімашэнка нічога не расказалі, а каўбасу проста з’елі.
Праз некалькі тыдняў адбылася размова Лукашэнкі і прэм’ера Украіны. Кіраўнік Беларусі пацікавіўся: “Юлія Уладзіміраўна, ці спадабалася мая каўбаска?”. Вадзім Дзенісенка піша, што Цімашэнка пытання не зразумела, а Лукашэнка зразумеў, што падарунка яго яна не бачыла. “Пасля гэтага стасункі Лукашэнка — Цімашэнка відавочна пагоршыліся”, — сцвярджае ўкраінскі дэпутат.