Дзмітрый Баскаў абурыўся паводзінамі расійскіх хакеістаў
Дзмітрый Баскаў / sb.by
“Такое стаўленне да нашых хакеістаў і заўзятараў з боку толькі пачынаючых свой шлях у вялікі спорт пацаноў, проста недапушчальнае і супярэчыць сяброўству і падтрымцы, якія заўсёды былі паміж нашымі краінамі і народамі”.
Так сенатар Дзмітрый Баскаў пракаментаваў паводзіны расійскіх хакеістаў, якія ўчынілі дэмарш пасля паразы ад беларусаў на моладзевым хакейным турніры. Асабістыя прызы, якія ўручаў ім Баскаў, кідалі пад ногі.
Сенатар абурыўся і заявіў, што трэнеры мусяць таксама “прышчапіць правільныя жыццёвыя каштоўнасці і арыенціры, што асабліва важна ў цяперашняй палітычнай сітуацыі ў спорце ў цэлым, і ў хакеі, у прыватнасці”.
Пра жыццёвыя каштоўнасці кажа той, хто, хутчэй за ўсё, мае дачыненне да забойства нявіннага Рамана Бандарэнкі.
