Дзяржсакратар ЗША ў Фінляндыі троліў Расію і яе армію
Расійскія вайскоўцы з мінамётам / ria.ru
Дзяржсакратар ЗША Энтані Блінкен падчас візіту ў Фінляндыю назваў палітыку Масквы ва Украіне "каласальным стратэгічным правалам". Ён заявіў, што Расія апынулася "ў значна горшым становішчы", чым перад уварваннем 24 лютага 2022-га.
"Там, дзе Пуцін збіраўся праецыраваць сілу, ён прадэманстраваў слабасць. Там, дзе ён меў намер унесці раскол, ён аб'яднаў", — цытуе словы Блінкена "Голас Амерыкі".
Дзяржсакратар ЗША і далей у сваім выступе троліў Расію і яе армію: "Крэмль часта заяўляў, што яго Узброеныя сілы другія па сіле ў свеце. Многія гэтаму верылі. Сёння многія бачаць Узброеныя сілы РФ як другую па сіле армію ва Украіне".
