Гомельскія асводаўцы выратавалі дваіх чалавек, якія скочылі ў Сож з цеплахода
У Гомелі пара скокнула з цеплахода ў Сож / t.me/osvodgomel
Дваіх чалавек выратавалі гомельскія асводаўцы ўвечары 15 чэрвеня, паведамляе арганізацыя ў сваім тг-канале.
Каля 20-й гадзіны ратавальнікі заўважылі, як два чалавекі скочылі ў Сож з прагулачнага цеплахода "Гомель". Дзяжурная змена па трывозе прыбыла на катэры да месца здарэння.
На той час 24-гадовы хлопец і 20-гадовая дзяўчына ўжо былі на сярэдзіне ракі і пачалі захлынацца вадой. Ратавальнікі дасталі іх з вады і даставілі на бераг.
Пара патлумачыла, што хацела атрымаць адрэналін. Абследаванне паказала, што абодва былі нецвярозыя.
У Гомелі пара скокнула з цеплахода ў Сож / t.me/osvodgomel
У Гомелі пара скокнула з цеплахода ў Сож / t.me/osvodgomel
