Хакеісты мінскага "Юнацтва" другі раз запар выйгралі ў салігорскага "Шахцёра"

Хакеісты мінскага "Юнацтва" другі раз запар святкавалі перамогу над салігорскім "Шахцёрам" — 4:3 (0:0, 3:1, 1:2). Дарэчы, з такім самым лікам скончылася і папярэдняя сустрэча камандаў.

Першы перыяд закончыўся з лікам 3:1 на карысць "Юнацтва". Аўтарамі галоў у мінскай каманды сталі Міхаіл Плотнікаў, Павел Развадоўскі і Арцём Зямлянкін. У другім перыядзе Давід Ружычка з "Шахцёра" рэалізаваў большасць і скараціў разрыў. А ў трэцім перыядзе Ілля Камбовіч зраўняў лік, забіўшы мінчукам трэцюю шайбу. Аднак на 52-й хвіліне Арцём Зямлянкін аформіў дубль, зноў вывеўшы "Юнацтва" наперад — 4:3. Зраўняць лік да канца гульні салігорцы так і не здолелі.

Цяпер у серыі да чатырох перамог "Юнацтва" вядзе з лікам 2:0. Чарговыя матчы пройдуць у Салігорску 19 і 20 сакавіка.

17 і 18 сакавіка адбудуцца трэці і чацвёрты паядынкі "Дынама-Маладзечна" і гродзенскага "Нёмана". У серыі з лікам 2:0 пакуль што лідарства трымае "Нёман".