Іспанія будзе ўпускаць вакцынаваных турыстаў, але "Спутник V" пад пытаннем
Іспанія будзе ўпускаць вакцынаваных турыстаў
З 24 траўня Іспанія здымае частку абмежаванняў на ўезд, уведзеных у сувязі з COVID-19. У бліжэйшы панядзелак будзе дазволены ўезд вандроўнікаў з бяспечных краін па-за Еўрасаюзам, у тым ліку з ЗША. А з 7 чэрвеня без абмежаванняў змогуць заехаць выкцынаваныя турысты з любых краін.
Аднак ёсць нюанс: прэпарат, прышчэпку якога паставілі турысту, павінен быць адобраным еўрапейскім рэгулятарам і СААЗ. Пра гэта заявіў прэм'ер-мінмстр краіны Педра Санчас.
"З 7 чэрвеня турысты з краін, з якімі няма поўнай свабоды перамяшчэння, змогуць уязджаць у Іспанію, калі ў іх ёсць сертыфікат аб праходжанні поўнай вакцынацыі прэпаратамі, ухваленымі EMA або СААЗ".
Вакцына "Спутник V", якой шырока вакцынуюць ў Беларусі, яшчэ не адобраная ЕМА. Заключэнне па ёй будзе прадастаўленае да канца траўня. А СААЗ мае намер ацаніць "Спутник V" у чэрвені-ліпені.
Кітайская вакцына Sinopharm, якая таксама ўжываецца ў Беларусі, атрымала адабрэнне СААЗ.
