Каля Зябраўкі ўначы чулі выбух, Мінабароны кажа пра загаранне тэхнікі
![Каля Зябраўкі ўначы чулі выбух, Мінабароны кажа пра загаранне тэхнікі](/sites/default/files/styles/gallery_main/public/2023-08/vojska-1108.jpg.webp?itok=7KLbyBk8)
Каля аэрадрома "Зябраўка" пад Гомелем уначы мясцовыя жыхары чулі выбухі і адчувалі выбуховую хвалю.
У тг-канале flagshtok паведамляецца, што выбухі чулі паміж 0:25 і 0:32 паводле мінскага часу.
Аэрадром "Зябраўка" яшчэ перад пачаткам вайны быў ператвораны ў стацыянарную базу расійскіх войскаў. Там размяшчаюцца ракетныя комплексы, здольныя абстрэльваць тэрыторыю Украіны. Перыядычна з'яўляюцца паведамленні пра абстрэл Украіны менавіта з гэтай тэрыторыі.
Зранку 11 жніўня прэс-служба Мінабароны заявіла, што каля 23-й гадзіны ў раёне Зябраўкі "падчас кантрольнага прабегу адной з адзінак тэхнікі пасля пваедзенай замены рухавіка адбылося яе загаранне". Гаворыцца, што тэхніку пагасіў асабовы склад, пацярпелых пры здарэнні няма.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.