КДБ заявіў пра затрыманне "баевікоў", якія нібыта рыхтавалі тэракты на чыгунцы
![Вячаслаў Бародзій, якога КДБ называе "агентам СБУ" / Кадр з відэа](/sites/default/files/styles/gallery_main/public/2023-09/baroidzij.jpg.webp?itok=HWLXWgYM)
Вячаслаў Бародзій, якога КДБ называе "агентам СБУ" / Кадр з відэа
КДБ у панядзелак заявіў пра затрыманне "баевікоў" (удзельнікаў "трох баявых ячэек"), якія рыхтавалі тэракты на чыгунцы ў Беларусі. Сцвярджаецца, што яны "працавалі на Службу бяспекі Украіны". Па версіі дзяржбяспекі, "тэракты" рыхтаваліся ў Стаўбцоўскім і Талачынскім раёнах. Якраз на мінулым тыдні была неафіцыйная інфармацыя, што ноччу 4 верасня перакрывалі чыгуначны рух пад Талачыном (Віцебская вобласць), была чутна стральба з агнястрэльнай зброі. Цяпер жа сцвярджаецца, што "спробай падрыву чыгункі ў Талачынскім раёне кіраваў грамадзянін Украіны". Ён прыцягнуў двух беларусаў, у якіх "былі навыкі ў мінна-выбуховай справе" (цікава, як іх знайшоў?).
КДБ публікуе фотаздымкі з выбухоўкай і дэтанатарамі. Падкрэсліваецца, што здзейсніць "тэракты" не ўдалося. А арсенал (у ім ёсць яшчэ аўтаматы і дроны) нібыта нелегальна пераправіў праз мяжу згаданы ўкраінец. Яго затрымалі ў пачатку верасня ў Ельскім раёне Гомельскай вобласці.
Чарговая гісторыя пра "тэрарыстаў" можа быць інсцэніроўкай ці нават правакацыяй. Тым больш, у Кіеве сёлета неаднаразова заяўлялі, што ў РБ рыхтуюцца правакацыі, у тым ліку і з удзелам вагнераўцаў.
![КДБ заявіў пра затрыманне "баевікоў", якія нібыта рыхтавалі тэракты на чыгунцы](/sites/default/files/styles/default_image_paragraph/public/paragraphs/image/000022_617E0BC4E19698BB43258A27003B3537_358724.jpg.webp?itok=lORNFyuV)
![КДБ заявіў пра затрыманне "баевікоў", якія нібыта рыхтавалі тэракты на чыгунцы](/sites/default/files/styles/default_image_paragraph/public/paragraphs/image/000022_617E0BC4E19698BB43258A27003B3537_162586.jpg.webp?itok=yNurQKHC)
![КДБ заявіў пра затрыманне "баевікоў", якія нібыта рыхтавалі тэракты на чыгунцы](/sites/default/files/styles/default_image_paragraph/public/paragraphs/image/000022_617E0BC4E19698BB43258A27003B3537_675889.jpg.webp?itok=MJzhxEVT)
![КДБ заявіў пра затрыманне "баевікоў", якія нібыта рыхтавалі тэракты на чыгунцы](/sites/default/files/styles/default_image_paragraph/public/paragraphs/image/000022_617E0BC4E19698BB43258A27003B3537_967837.jpg.webp?itok=TwyXCY4N)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.