Кітайцы хацелі купіць ялавічыну, а магілёўцы сказалі, што лішняй няма
![Падчас размовы з кітайцамі](/sites/default/files/styles/gallery_main/public/2024-05/mag.jpg.webp?itok=fFNVSEdx)
Падчас размовы з кітайцамі / mogilev-region.gov.by
Кітайцы хацелі купіць ялавічыну, а магілёўцы сказалі, што лішняй няма. Пра сваю паездку ў Кітай у інтэрв'ю газеце "Звязда" расказаў намеснік старшыні Магілёўскага аблвыканкама Руслан Страхар. Нядаўна ў КНР знаходзілася афіцыйная дэлегацыя Магілёўшчыны. Яна сустракалася з кіраўніцтвам правінцый Хэнань і Хунань. Гаворка ішла найперш пра прадукты харчавання.
"Абодва рэгіёны зацікаўлены ў пастаўках з Беларусі ялавічыны, — расказвае чыноўнік. — З улікам таго, што ўся наша ялавічына рэалізуецца і патрэбны дадатковыя аб’ёмы, мы прапанавалі кітайскім партнёрам арганізаваць у Магілёўскай вобласці вырошчванне буйной рагатай жывёлы для пастаўкі і перапрацоўкі на рынак КНР".
Пра рэакцыю кітайцаў на такую прапанову Страхар прамаўчаў.
Дарэчы, дэлегацыю магілёўцаў суправаджаў пасол Аляксандр Чарвякоў, былы міністр эканомікі.
![Кітайцы хацелі купіць ялавічыну, а магілёўцы сказалі, што лішняй няма](/sites/default/files/styles/default_image_paragraph/public/paragraphs/image/af7b0c614d9613a0651396355803c6da.jpg.webp?itok=S6xn5gAE)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.