Крэйг атрымаў траўму на здымках новага Бонда, яму зробяць аперацыю
Дэніэл Крэйг атрымаў траўму на здымках новага Бонда, яму зробяць аперацыю, інфармуе афіцыйны Twitter бандыяны. Падчас бегу акцёр пашкодзіў шчыкалатку. Мяркуецца, што на рэабілітацыю пасля аперацыі спатрэбяцца два тыдні. Здымкі праходзілі на Ямайцы. Адтуль засмучанага здарэннем Крэйга даставілі ў ЗША на абследаванне.
Чакаецца, што 25-ы фільм бандыяны выйдзе на экраны ў красавіку 2020 года. Дэніэлу Крэйгу 51 год. Ён выконвае ролю агента 007 Джэймса Бонда ўжо ў пятым фільме. Ранейшыя — "Казіно "Раяль" (2006), "Квант міласэрнасці" (2008), "007: Каардынаты "Скайфол" (2012), "007: Спектр" (2015).
BOND 25 update: Daniel Craig will be undergoing minor ankle surgery resulting from an injury sustained during filming in Jamaica. Production will continue whilst Craig is rehabilitating for two weeks post-surgery. The film remains on track for the same release date in April 2020. pic.twitter.com/qJN0Sn4gEx
— James Bond (@007) 22 мая 2019 г.
