Латвійскія мытнікі не дазволілі ўвезці 383 тоны нафтапрадуктаў з Беларусі
Латвійскія мытнікі не дазволілі ўвезці 383 тоны нафтапрадуктаў з Беларусі. Яны заявілі, што не атрымалі поўныя даныя пра груз, таму яго адправілі назад.
Напярэдадні з'явілася неафіцыйная інфармацыя, што Латвія ўвяла забарону на перавозку грузаў з санкцыйных беларускіх прадпрыемстваў. Цяпер жа заяўляюць, што было выяўлена парушэнне раней уведзеных заходніх санкцый (груз трапіў пад санкцыі ЕС ад чэрвеня 2021-га).
