Лукашэнка: Беларусь атрымае новы транш крэдыта ад Еўразійскага фонда
![Лукашэнка: Беларусь атрымае новы транш крэдыта ад Еўразійскага фонда](/sites/default/files/styles/gallery_main/public/2023-08/lukashenka_narada.jpg.webp?itok=aJ2_B-j_)
Беларусь атрымае новы транш крэдыта ад Еўразійскага фонда стабілізацыі і развіцця. Пра гэта заявіў Аляксандр Лукашэнка на нарадзе ў Мінску, дзе распавёў пра вынікі сустрэчы з прэзідэнтам Расіі Уладзімірам Пуціным у Сочы.
Паводле Лукашэнкі, Беларусь атрымае шосты транш у памеры 200 мільёнаў долараў у бліжэйшы час і з выдзяленнем гэтых сродкаў кіраўнік краіны не бачыць “ніякіх праблемаў”.
Агульны памер крэдыту складае 2 мільярды долараў. Лукашэнка кажа, што апошні, сёмы транш — гэта вырашальнае пытанне і “справа актыўнасці перадусім беларускіх чальцоў ураду”.
Апроч таго, кіраўнік Беларусі заявіў, што абмяркоўваў з Пуціным рэфінансаванне пазыкі ў 1 мільярд долараў і “тут таксама адрынання не было ніякага”, паведамляе прэс-служба прэзідэнта.