Лябедзька выйшаў на пікет да БТ з фатаграфіяй Шарамета (фота)
![Лябедзька выйшаў на пікет да БТ з фатаграфіяй Шарамета (фота)](/sites/default/files/styles/gallery_main/public/2023-08/pikiet-2007-2.jpg.webp?itok=UeEN-A_j)
Каля будынку Белтэлерадыёкампаніі адбыўся пікет, на якім згадалі загінулага сёння ў Кіеве Паўла Шарамета, перадае Радыё "Свабода".
А 13-й гадзіне да будынка прыйшлі першы намеснік кіраўніка Руху "За Свабоду" Юрась Губарэвіч, старшыня Аб’яднанай грамадзянскай партыі Анатоль Лябедзька і грамадская актывістка Вольга Кавалькова. На гэтым месцы ішоў збор подпісаў за вылучэнне Губарэвіча кандыдатам у дэпутаты на парламенцкія выбары.
Актывісты прынеслі раздрукаваныя партрэты Паўла Шарамета і бел-чырвона-белыя сцягі. Кіраўнік АГП Анатоль Лябедзька выказаў жаль з нагоды гібелі Шарамета. Потым удзельнікі пікета пачалі агітаваць мінакоў ставіць подпісы ў падтрымку правацэнтрыстаў.
![Лябедзька выйшаў на пікет да БТ з фатаграфіяй Шарамета (фота)](/sites/default/files/paragraphs/image/pikiet-2007-1.jpg)