Макрон папярэдзіў Лукашэнку, што ў яго могуць быць праблемы
Эмануіл Макрон / reuters.com
Прэзідэнт Францыі Эмануэль Макрон папярэдзіў Аляксандра Лукашэнку. У інтэрв'ю France 2 ён разважаў пра сітуацыю з вайной ва Украіне.
"Калі Лукашэнка вырашыць яшчэ больш уцягнуцца ў гэтую вайну, ён зробіць гэта насуперак бачанню значнай часткі свайго народа, — гаварыў Макрон. — І ён зробіць гэта, узяўшы на сябе адказнасць, якая, я думаю, не пройдзе без праблем для яго".
Французскаму прэзідэнту нагадалі пра апошнія заявы Аляксандра Лукашэнкі, у тым ліку пра "разгортаванне сумеснай рэгіянальнай групоўкі войскаў" РБ і РФ: ці не сведчыць гэта пра пашырэнне канфлікту? "Я думаю, што гэта частка рызык", — адказаў Макрон.
Днямі лідары G7 заклікалі ўлады Беларусі не садзейнічаць расійскай агрэсіі, генеральны сакратар NATO Енс Столтэнберг заклікаў Лукашэнку перастаць уцягваць Беларусь у канфлікт ва Украіне.
