Марыю Алёхіну з Pussy Riot затрымалі ў Маскве за пост пра Лукашэнку

У Маскве 16 снежня затрымалі Марыю Алёхіну з фемінісцкага панк-гурта Pussy Riot. Гэта адбылося пры яе выхадзе з кватэры.

Актывістка паспела напісаць у сацсетках, што яе затрымліваюць за пост пра Аляксандра Лукашэнку ў атачэнні свастык, зроблены ў 2015 годзе.

Алёхіну вінавацяць паводле артыкула Крымінальнага кодэксу за прапаганду або дэманстраванне нацысцкай ці экстрэмісцкай сімволікі. 

Актывістка знаходзілася пад хатнім арыштам па так званай "санітарнай справе" — акцыі ў падтрымку арыштаванага апазіцыянера Аляксея Навальнага. Удзельнікаў гэтай акцыі вінавацяць, сярод іншага, у парушэньні антыкавідных абмежаванняў.