Масавыя суды за паслявыбарчыя пратэсты працягваюцца ў Брэсце
Пратэсты ў Брэсце / "Бінокль"
Чарговы масавы суд за паслявыбарчыя пратэсты 2020 года пачаўся 1 кастрычніка ў Брэсце, піша праваабарончы цэнтр "Вясна".
Абвінавачанымі ў судзе Ленінскага раёна Брэста выступаюць пяць чалавек. Эльвіру Ламанос, Аляксандра Пратасюка, Таццяну Бандарук, Аляксея Мартынава, Вячаслава Грабінскага вінавацяць паводле "народнага" артыкула — ч. 1 арт. 342 Крымінальнага кодэкса (актыўны ўдзел у дзеяннях, што груба парушаюць грамадскі парадак).
Справу разглядае суддзя Аляксандр Семянчук.
У Брэсце масавыя суды за паслявыбарчыя пратэсты 2020 года не рэдкасць: там ужо судзілі некалькі груп, абвінавачаных паводле "народнага" артыкула КК.
