Мінск прэтэндуе на правядзенне Суперкубка УЕФА
![Стадыён "Дынама" падчас Еўрапейскіх гульняў 2019 / Еўрарадыё](/sites/default/files/styles/gallery_main/public/2023-08/bright25_0.jpg.webp?itok=ZQbMPBCH)
Стадыён "Дынама" падчас Еўрапейскіх гульняў 2019 / Еўрарадыё
Беларусь прэтэндуе на тое, каб правесці ў Мінску Суперкубак УЕФА. У цяперашні час гэтае пытанне абмяркоўваецца.
"Мы зробім гэта не горш, чым найлепшыя сталіцы нашага кантынента", — заявіў Аляксандр Лукашэнка 19 верасня на сустрэчы з прэзідэнтам УЕФА Аляксандэрам Чаферыным.
Кіраўнік Беларусі падзякаваў УЕФА за падтрымку футбола ў Беларусі, асабліва адзначыўшы дзіцячы спорт. У той жа час ён заўважыў, што буйныя футбольныя мерапрыемствы ў нас пакуль не праводзіліся: "Таму калі Саюз еўрапейскіх футбольных асацыяцый у гэтым напрамку будзе думаць, ведайце, што мы гатовыя прыняць любыя спаборніцтвы, на любым узроўні, што тычыцца нашага кантынента".
![Минск претендует на проведение Суперкубка УЕФА](/sites/default/files/paragraphs/image/cheferin.jpg)
Потым Аляксандр Лукашэнка назваў футбол сваім любімым відам спорту, а славенскі функцыянер Чаферын адказаў, што заўтра Беларусь і УЕФА пачынаюць новы этап супрацоўніцтва: "Я рады бачыць, што ў Беларусі спорт атрымлівае такую падтрымку. І асабліва рады за футбол, вядома".