Мінскае “Дынама” падзяліла ачкі з “Іслаччу”
Мінскае “Дынама” падзяліла ачкі з “Іслаччу” ў матчы 24 тура чэмпіянату Беларусі сярод каманд вышэйшай лігі. Гульня адбылася 6 кастрычніка на сталічным стадыёне ФК “Мінск” і скончылася з лікам 1:1. У выніку дынамаўцы яшчэ болей адсталі ад тройкі лідараў турнірнай табліцы — цяпер яны на 4-м месцы і маюць 45 ачкоў, а барысаўскі БАТЭ, які на 3-м месцы, мае 56 ачкоў.
Сёння таксама гуляюць “Энергетык-БДУ” і “Віцебск”, “Гомель” і “Дняпро”. У матчы “Тарпеда” (Мінск) — “Славія” будзе залічаны тэхнічны вынік — 0:3.
Ранейшыя матчы 24 тура прайшлі з такімі вынікамі: “Гарадзея” і “Мінск” — 1:2, “Нёман” — “Дынама” (Брэст) — 0:1, “Шахцёр” — “Тарпеда-БелАЗ” — 3:0, “Слуцк” — БАТЭ — 0:3.
