Мінюст хоча ліквідаваць Беларускі ПЭН-цэнтр

22/07/2021 - 16:59

Міністэрства юстыцыі перадало ў Вярхоўны суд пазоў аб ліквідацыі Беларускага ПЭН-цэнтра. Пра гэта паведамляе сама арганізацыя літаратараў.

Арганізацыя была заснаваная ў 1989 годзе. У міжнародную арганізацыю ПЭН-клубаў была прынятая ў 1990-м.

Кіраўнікамі Беларускага ПЭН-цэнтра былі Народныя пісьменнікі Рыгор Барадулін і Васіль Быкаў. Цяпер ім кіруе нобелеўская лаўрэатка па літаратуры Святлана Алексіевіч.

14 ліпеня ў ПЭН-цэнтры, як і ў шэрагу іншых грамадскіх арганізацый, адбыўся ператрус. Шэраг арганізацый таксама атрымалі паведамленні, што Мінюст падаў пазоў на іх ліквідацыю — напрыклад, Беларуская асацыяцыя журналістаў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.