"Мы паказалі, што здольныя бараніць тое, што шануем" — Святлана Ціханоўская

Святлана Ціханоўская павіншавала беларусаў з Днём вайсковай славы.

У сваім звароце яна нагадала, што ў 1514 годзе ў бітве пад Оршай войскі ВКЛ пад камандаваннем гетмана Астрожскага разбілі маскоўскае войска, якое вяло наступ на беларускія землі.

"Гэта сумесная перамога беларускага, літоўскага, польскага і ўкраінскага народаў. Мы паказалі, што здольныя бараніць тое, што шануем", — падкрэсліла палітык.

Яна выказала гонар за тое, што "беларусы шануюць сапраўдную гісторыю, сваіх герояў і адзначаюць святы, за якія не сорамна".

Разам з тым Ціханоўская заявіла: "Галоўная перамога ў нас наперадзе".