На 22 лютага сіноптыкі абвясцілі ў Беларусі аранжавы ўзровень небяспекі
У аўторак, 22 лютага, у Беларусі будзе воблачна, уначы — з праясненнямі, паведамляе Белгідрамет.
Уначы — пераважна па ўсходзе, зранку і ўдзень — у многіх раёнах краіны пройдуць кароткачасовыя ападкі: дождж і мокры снег. Уначы і зранку на асобных участках дарог будзе галалёдзіца.
Вецер чакаецца паўднёва-заходні, заходні парывісты, зранку і ўдзень на большай частцы тэрыторыі краіны моцны парывісты. Па прагнозах сіноптыкаў, яго парывы будуць дасягаць 15-20 метраў за секунду. У сувязі з гэтым абвешчаны аранжавы ўзровень небяспекі.
Тэрмометры ўначы пакажуць ад -2 да +3°С. Удзень чакаецца 1-7 цяпла, па паўднёвым усходзе будзе да 9 вышэй за нуль.
