На Данбасе загінуў медык-беларус, які ўдзельнічаў у Плошчы-2006 у Мінску
![На Данбасе загінуў медык-беларус, які ўдзельнічаў у Плошчы-2006 у Мінску](/sites/default/files/styles/gallery_main/public/2023-08/19702609_10207136517570679_5289428560994312516_o.jpg.webp?itok=VS18iWlA)
На Данбасе загінуў медык-беларус Мікола Ільін, паведамляе Радыё Свабода. Адбылося гэта 13 ліпеня ў Бахмуцкім раёне Данецкай вобласці. Там на міне падарваўся ўкраінскі баец, яму на дапамогу пайшлі трое вайскоўцаў. Нягледзячы на абвешчаны рэжым "Цішыня", іх абстралялі баевікі ўзброенага фармавання самаабвешчанай "ДНР" — з аўтаматаў, гранатамётаў і буйнакаліберных кулямётаў. Ільін загінуў, іншыя двое вайскоўцаў атрымалі раненні.
Толькі пазней стала вядома, што загінуў беларус. Мікола Ільін — ураджэнец Магілёва, быў сябрам арганізацыі "Зубр", удзельнічаў у Плошчы 2006 года ў Мінску, быў жорстка збіты. Праз чатыры гады з'ехаў за мяжу, з'яўляўся грамадзянінам Эстоніі. Ва Украіне быў з 2016 года, служыў у 137-м асобным батальёне марской пяхоты.
Украінскі прэм'ер-міністр Дзяніс Шмыгаль заявіў, што забойства Ільіна мае ўсе прыкметы вайсковага забойства. Падобную заяву зрабіў і кіраўнік МЗС Украіны Дзмітрый Кулеба. Адрэагаваў на забойства медыка-беларуса і прэзідэнт Уладзімір Зяленскі. Ён узяў расследаванне пад свой кантроль.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.