На "Гродна Азоце" спыняюць два цэхі
Над прадпрыемствам зноў будзе бачная "паходня" / gazeta.azot.by
11 кастрычніка на "Гродна Азоце" спыняюць два цэхі — аміяк-3 і карбамід-3. На прадпрыемстве кажуць, што "для правядзення планавага прыпыначнага рамонту абсталявання".
Мясцовых жыхароў папярэджваюць, што ў цэху аміяк-3 будзе праводзіцца "ўтылізацыя гаручых рэчываў, якія ўваходзяць у склад тэхналагічнага газу". А гэта азначае, што над прадпрыемствам зноў будзе бачная "паходня".
Традыцыйна заяўляецца, што "пагрозы гораду, экалогіі, жыхарам і работнікам прадпрыемства няма".
